यु.के. तरुणाने कुलाब्यातील ३० वर्षीय तरुणीला लाखोंचा गंडा घातल्याचा प्रकार.. मुंबईः समाज माध्यमांवर ओळख झालेल्या युनायटेड किंगडममधील (युके) तरुणाने कुलाब्यातील ३० वर्षीय तरुणीला लाखोंचा गंडा घातल्याचा प्रकार उघडकीस आला आहे. समाज माध्यमांवरील वधू-वर सूचक पेजवर दोघांची ओळख झाली होती. त्याने लग्न करण्याचे आश्वासन देऊन महागड्या भेटवस्तू पाठवण्याच्या नावाखाली तरुणीची फसवणूक करण्यात आली. तक्रारदार तरुणी मूळची आसाममधील रहिवासी असून कुलाबा येथे घरकाम करते. तरुणीचे फेसबुकवर खाते आहे. ती फेसबुकवरील युके मॅरेज या पेजमध्ये सहभागी झाली होती. युकेतील राहुल खन्ना नावाच्या तरुणाने व्हॉट्सॲपवरून तिच्याशी संपर्क साधला. दोघांंमध्ये अनेक दिवस व्हॉट्सॲपवरून बोलणे सुरू होते. त्यानंतर राहुल खन्नाने तिच्यासोबत लग्न करण्याची इच्छा व्यक्त केली. तसेच युकेवरून महागडी भेटवस्तू विमानाद्वारे पाठवत असल्याचे तिला सांगितले. या तरुणीला ११ मार्च रोजी विमानतळावरून दूरध्वनी आला. विदेशातून आलेली भेटवस्तू घेण्यासाठी तिला बोलावण्यात आले. त्यानंतर निरन...