अहमदनगरचे आ. प्राजक्त तनपुरे आणि आ. संग्राम जगताप यांच्या नावाचे बनावट शिक्के, लेटर पॅड दोघे पोलिसांनी ताब्यात घेतले..

 अहमदनगरचे आ. प्राजक्त तनपुरे आणि आ. संग्राम जगताप यांच्या नावाचे बनावट शिक्के, लेटर पॅड दोघे पोलिसांनी ताब्यात घेतले.

    आज अहमदनगर येथील आमदार प्राजक्त तनपुरे व आमदार संग्राम जगताप यांच्या नावाचे बनावट शिक्के, लेटर पॅड, आणि अतिरिक्त जिल्हा शल्यचिकित्सक, मनपाच्या शाळेतील मुख्याध्यापक यांच्या शिक्क्यांचा परस्पर वापर करणार्‍या गुलमोहर रोडवरील एका आधारकार्ड दुरूस्ती केंद्रावर कारवाई करण्यात आली आहे. तोफखाना पोलिसांनी सोमवारी 17 एप्रिल 2023 रोजी छापा टाकून त्यांचा कडील सर्व साहित्य ताब्यात घेतले गेले आहे.

         याप्रकरणी दोन आरोपी ताब्यात घेण्यात आले आहेत. त्यांची नावे हारूण हबीब शेख (वय 31 रा. वरवंडी, ता. राहुरी) व दादा गोवर्धन काळे (वय 35 रा. निंबोडी, ता. नगर) अशी त्यांची ओळख आहे. अहमदनगर मधील सावेडी गावातील भारत संचार निगम लिमिटेड(BSNL) कार्यालयाजवळील गाळ्यामध्ये सक्सेस मल्टीसर्व्हिस आधार कार्ड दुरूस्तीचे केंद्र याठिकाणी आहे. या ठिकाणी सर्व बनावट कागदपत्र तयार केले जात होते. ही माहिती खबर्‍याकडून तोफखाना पोलीस निरीक्षक मधुकर साळवे यांना कळताच त्यांनी पथकासह सोमवारी दुपारी आधार दुरूस्ती केंद्रावर छापा टाकला.

        या ठिकाणी पंचा समक्ष घेतलेल्या झडतीमध्ये या केंद्रात आ. प्राजक्त तनपुरे, आ. संग्राम जगताप, महानगरपालिका शाळेच्या (क्रमांक 23) मुख्याध्यापिका आणि जिल्हा शासकीय रुग्णालयाचे अतिरिक्त जिल्हा शल्यचिकित्सक या नावाचे चार शिक्के आढळून आले आहेत. यावेळी केंद्रातील हारूण शेख, दादा काळे आणि वीरकर ही महिला असे तिघे कार्यरत होते. नागरिकांना आधार दुरूस्तीसाठी शासकीय पुरावा नसल्यास आमदारांच्या शिक्क्यांचा वापर करून रहिवाशी दाखला देणे, वयाच्या दाखल्यासाठी अतिरिक्त जिल्हा शल्यचिकित्सक, जिल्हा शासकीय रूग्णालय यांच्या शिक्क्याचा वापर याठिकाणी केला जात होता.

         त्यांचा केंद्रातील सर्व कागदपत्रे पोलिसांनी ताब्यात घेतले गेले आहेत. पोलीस निरीक्षक साळवे यांच्या मार्गदर्शनाखाली सहायक निरीक्षक जे. सी. मुजावर, उपनिरीक्षक समाधान सोळुंके, पोलीस अंमलदार दत्तात्रय जपे, सुरज वाबळे आणि कांबळे यांच्या पथकाने ही कारवाई केली गेली आहे. या प्रकरनाची तोफखाना पोलीस ठाण्यात गुन्हा दाखल करण्याचे काम रात्री उशिरापर्यंत सुरू होते. तरी पुढील तपास सुरू आहे.