नाशिकसाठी खुशखबर मेट्रो प्रकल्पाबाबत मोठे अपडेट

 नाशिकसाठी खुशखबर मेट्रो प्रकल्पाबाबत मोठे अपडेट; आता नवीन प्रस्ताव मंजुरीसाठी केंद्राकडे रवाना, 1100 कोटी रुपयांचा होणार खर्च.

नाशिक नवीन मेट्रो प्रकल्प: 

     नाशिकरांचा अतिशय महत्वाचा विषय म्हणजे मेट्रो मार्ग प्रकल्प आहे. नाशिकचा या मेट्रो मार्ग प्रकल्पाची घोषणा महाराष्ट्र उपमुख्यमंत्री देवेंद्र फडणवीस यांनी केली गेली आहे. नाशिक शहराला दत्तक घेतल्यानंतर फडणवीस यांनी ही मोठी घोषणा केली गेली होती. नाशिक शहर पहिली एलिव्हेटेड टायरबेस मेट्रो निओची घोषणा झाली म्हणून नाशिककरांना मेट्रोचा अनुभव घेता येईल असा आशावाद व्यक्त होत होता.

         विशेष म्हणजे 2020 मध्ये या प्रकल्पासाठी केंद्रीय अर्थमंत्री यांनी केंद्रीय अर्थसंकल्पात निधीची तरतूद देखील केली होती. यामुळे सदर प्रकल्प लवकरच पूर्ण होईल अशी आशा 2020 मध्ये व्यक्त होत होती. परंतु आता 2023 संपत चालला तरी या निओ मेट्रोमार्ग प्रकल्पाचा नारळ अद्याप फुटलेला नाही.

        यामुळे या प्रकल्पाबाबत नाशिककरांमध्ये अनिश्चितता निर्माण झाली होती. मात्र दोन महिन्यांपूर्वी उपमुख्यमंत्री देवेंद्र फडणवीस यांनी या प्रकल्पाबाबत पुन्हा एकदा हालचाली वाढवल्यात. नाशिक मध्ये भाजप कार्यकारिणीच्या एका बैठकीत फडणवीस यांनी हा प्रकल्प येत्या तीन महिन्यात सुरु होईल अशी भविष्यवाणी देखील केली होती.

         विशेष म्हणजे या प्रकल्पसाठी लगेचच केंद्रीय स्तरावर हालचाली वाढल्या होत्या. या प्रकल्पाबाबत एक महत्त्वाची बैठक देखील दिल्लीमध्ये पार पडली होती. मात्र या प्रकल्पाला केंद्रीय स्तरावरून अद्याप परवानगी मिळालेली नव्हती. यामुळे जोपर्यंत या प्रकल्पाला केंद्राकडून हिरवा कंदील मिळत नाही, तोपर्यंत याचा नारळ फुटणार नसल्याचे चित्र दिसत आहेत.

      यामध्येच, नाशिक निओ मेट्रो मार्ग संदर्भात एक नवीन डेव्हलपमेंट पाहायला मिळत आहे. आता महाराष्ट्र राज्य शासनाने नासिक रोड ते सीबीएस दरम्यान प्रायोगिक तत्वावरील नवीन टायरबेस मेट्रो प्रकल्पाचा प्रस्ताव केंद्राकडे मंजुरीसाठी पाठवला गेला आहे.

     विशेष म्हणजे या प्रकल्पासाठी राज्य शासनाने तब्बल 1100 कोटी रुपये खर्च करण्याची तयारी देखील दाखवली गेली आहे. परंतु आधीचा मूळ मेट्रोचा प्रस्ताव केंद्र शासनाने स्वीकृत केलेला नाही. मात्र आता नवीन प्रस्ताव राज्य शासनाकडून पाठवण्यात आला आहे. म्हणून आता या मेट्रो मार्ग प्रकल्पासंदर्भात संभ्रमावस्था नाशिककरांमध्ये पाहायला मिळत आहे.

कसा असेल नवीन प्रस्तावित निओ मेट्रो प्रकल्प मार्ग?

        राज्य सरकारने केंद्राकडे नुकताच पाठवलेला नवीन निओ मेट्रो मार्ग प्रकल्प सीबीएस, सारडा सर्कल, द्वारका, गांधीनगर, नेहरूनगर, दत्त मंदिर, नाशिक रोड असा प्रस्तावित करण्यात आला आहे. हा एक प्रायोगिक तत्त्वावरील मार्ग राहणार आहे असे सांगण्यात आले आहे. हा तबल १०.४४ किलोमीटर लांबीचा मार्ग असून प्रायोगिक तत्वावर टायरबेस मेट्रो यावर चालविली जाणार आहे.

        त्यासाठी राज्य शासन ११०० कोटी रुपये खर्च करणार असल्याचे प्रस्तावात म्हटले आहे. यामुळे आता केंद्राकडून या प्रकल्पाला मान्यता मिळते का? जुन्या निओ मेट्रो मार्ग प्रकल्पाचे काय होणार? यासारखे एक ना अनेक प्रश्न उपस्थित होताना दिसत आहेत.....Read more