समृद्धी महामार्गावर निलगाय आडवी आल्याने बियरचा ट्रक पलटी.
समृद्धी महामार्गावर निलगाय आडवी आल्याने बियरचा ट्रक पलटी झाल्याची घटना आज पहाटेच्या सुमारास महाकाळ शिवारात घडली आहे. यावेळी ट्रकमधल्या बियरच्या बाटल्यांचा रस्त्याशेजारीच सडा पडला होता. बीयरचा ट्रक पलटी झाला कळताच सकाळी बाटल्या उचलण्यासाठी नागरिकांची चांगलीच धावाधाव झाली. जेवढ्या हाती येतील तेवढया बॉटल घेत अनेकांनी या ठीकानावरून पळ काढला. दारूबंदी असलेल्या जिल्ह्यात ट्रक पलटी झाल्याने परिसरातील नागरिकांची चांगलीच चांदी झाली आहे.
नागपुरच्या वाडी येथील निशा ट्रान्सपोर्ट कंपनीचा ट्रक एम एच 40 पीएम 2615 क्रमांकाचा औरंगाबाद येथील एमआयडीसी तून बियरचे बॉक्स घेऊन नागपूरच्या दिशेने जात होता. दरम्यान सदर ट्रकच्या समोर समृद्धी महामार्गावरील वर्धा जिल्ह्यातील महाकाळ शिवारात अचानक मोठी निलगाय आडवी आली.
यावेळी उत्तरप्रदेशच्या लखीमपूर येथील ट्रक चालकाने निल गायीला वाचविण्यासाठी करकचून ब्रेक मारला. मात्र यात ट्रक रस्त्याच्या शेजारील खोलगट भागात पलटी झाला. चालकाला निल गायीला जीवदान देण्यात यश मिळाले. ही घटना सोमवारी पहाटे ४:३० च्या सुमारास महाकाळ शिवारातील चॅनेल नंबर ५२+ २०० जवळ घडली आहे. या घटनेत अंदाजे ९ ते १० लाख रुपयांचे नुकसान झाल्याची माहिती दिली असून सुदैवाने कोणालाही इजा झाली नाही हे महत्वाचे आहे.
या घटनेची माहिती मिळताच सेलू येथील पोलिसांनी घटनास्थळ गाठून पंचनामा केला. बियरचा ट्रक पलटल्याची वार्ता कानी पडताच परिसरातील नागरिकांनी सकाळी घटनास्थळी धाव घेत मिळेल तेवढ्या बियरच्या बाटल्या लंपास केल्याची चर्चा आहे......Read more
Comments
Post a Comment